नेकपा एमाले पर्साले आज जनप्रतिनिधिहरूलाई सम्मान गरेको छ । पर्सा अध्यक्ष जयप्रकाश थारुको अध्यक्षमा भएको कार्यक्रममा निर्वाचित पालिका प्रमुख,उपप्रमुख, वडा अध्यक्ष, वडा सदस्य ,जिल्ला समन्वय समिती पर्साका उपासभापति,सदस्यहरुलाई सम्मानित गरिएको हो । नवनिर्वाचित जनप्रनिनिधिहरुलाई कार्यक्रमका प्रमुख अतिथी नेकपा एमालेका पोलिटव्युरो सदस्य एवं पूर्व मन्त्री पुरूषोतम पौडेल तथा ज्वाला साहले माला ,गम्छा र टीका लगाएर सम्मान गर्नु भएको थियो । कार्यक्रममा वक्ताहरूले जनमुखी कार्यगरि अझै जनताको मन जित्ने कार्य योजनामा लाग्न सुझाएका थिए । संघिय र प्रदेशको निर्वाचनमा पर्सामा पार्टी प्रतिको आकर्षणलाई अझै बढाउनका लागि जनप्रतिनिधिहरूलाई निर्देशन पनि गरिएको छ । कार्यक्रममा जिल्ला ईन्चार्ज प्रभु हजरा,सरस्वती चौधरी,प्रदेश कमिटीका डा.कृष्ण पौडेल ,आरती भण्डारी बसरूदिन अंसारी, बिचारी यादव,शम्भु गुप्ता , जिल्ला कमिटी उप-सचिव संजीव मिश्रा,प्रदुमन सेढाई ,महानगर उपाध्यक्ष महेश दास,सचिव सुन्दर कुर्मी ,नेपाल पत्रकार महासंघका अध्यक्ष अनुप तिवारी, प्रेस चौतारीका अध्यक्ष श्याम बन्जारा लगायतको सहभागिता रहेको थियो
