रौतहटमा निर्माणाधीन अवस्थामा रहेको पुलमुनी एक युवकको शव फेला परेको छ ।
शुक्रबार करिब पौने १२ बजेको समयमा रौतहटको यमुनामाई गाउँपालिका ४ झाझपुल स्थित बन्दै गरेको नयाँ पुलको पिलरको गोलोरिङ भित्र पानीमा अन्दाजी २०÷२२ वर्षीय युवकको शव फेला परेको जिल्ला प्रहरी कार्यालय रौतहटले जनाएको छ ।
युवकको शवलाई पोष्टमार्टमका लागि प्रादेशिक अस्पताल गौर रौतहटमा राखिएको प्रहरीले जनाएको छ ।
युवकको हालसम्म सनाखत हुन नसकेको तथा यस सम्बन्धमा थप अनुसन्धान भइरहेको प्रहरीले जनाएका छन् ।
