जनता समाजबादी पार्टी नेपालका केन्द्रिय परिषद सदस्य युवा नेता बिपिन यादवले प्रदेश सभा सदस्यमा उम्मेदवारी दिने बताएका छन् । विद्यार्थी जीवनबाटै राजनीतिक यात्राको आरम्भ गरेकायादवले पर्साको निर्वाचन क्षेत्र नम्बर २ (क) बाट प्रदेश सभा सदस्यमा उम्मेदवारी दिने बताएका हुन् ।
कुनै पनि लाभ हुने किसिमका पदमा नरहँदा पनि पार्टीभित्रको सक्रियताका कारण आफु उक्त क्षेत्रबाट जसपाको सक्षम उम्मेदवार भएको यादवको दावी छ ।आदर्श डेलीसँगको संवादमा उनले जनताको आधारभुत आवश्यक्ताहरुलाई परिपुर्ती गर्न सक्ने र जनताको माग बमोजिम गाउँ समाजको विकास गर्ने खुबी आफुमा रहेको जिकिर गरे ।
उनी भन्छन्, “अहिले जो जति लाभ हुने पदमा रहीरहनुभएको छ, उहाँहरुबाट खासै सन्तोषजनक काम केही पनि देखिएन । उहाँहरुभन्दा म राम्रो गर्न सक्छु भन्नेमा म बिश्वस्त छु ।”
