वीरगन्ज । शीतलहरका कारण अत्याधिक चिसो बढेपछि पर्साको बिन्दबासिनी गाउँपालिकाले चार दिन विद्यालय बिदा दिने निर्णय गरेको छ । पालिका भित्रका सबै सामुदायिक तथा संस्थागत र धार्मिक विद्यालय भोलि मङ्गलबार देखि शुक्रवार सम्म बन्द गर्ने निर्णय गरिएको हो ।
सरोकारवाला निकायहरुसँग छलफलपछि चार दिन विद्यालय बन्द गर्ने निर्णय गरिएको पालिका शिक्षा प्रमुख कपिल लामिछानले जानकारी दिनु भयो । बन्दको निर्णयसँगै आज सूचना जारी भएपछि पालिकाको सम्पूर्ण विद्यालयको भोलि देखि पठनपाठन बन्द हुने भएको छ ।
