वीरगञ्ज, २९ मंसिर । अभिभावक संघ पर्साले वीरगञ्ज महानगरपालिकाले गरेको निजी विधालयहरुको बर्गिकरण र शूल्क निर्धारण प्रति आपत्ति जनाउँदै सच्याउन माग गरेको छ ।
अघिल्लो हप्ता वीरगञ्ज महानगरपालिकाले महानगरमा रहेका मध्ये ५८ वटा निजी विधालयहरुल्पो चार वर्गमा वर्गिकरण गरि शूल्क निर्धारण गरेको थियो ।
यद्दपी महानगरको उक्त निर्णय सही नरहेको भन्दै अभिभावक संघले त्यसलाई सच्याउन माग गर्दै बुधबार महानगरपालिकाको कार्यालयमा ज्ञापनपत्र बुझाएको छ ।
संघका पदाधिकारी र सदस्यहरुले बुधबार महानगरपालिकाका उपमेयर इम्तियाज आलम र शैक्षिक प्रशासन महाशाखा प्रमुख अरविन्दलाल कर्णलाई ज्ञापनपत्र बुझाएको हो ।
महानगरपालिकाले गरेको वर्गीकरण र शूल्क निर्धारणले विधार्थी र अभिभावकले राहत पाउनुको सट्टा झन् आहत पाएको बताउँदै त्यसलाई सच्याउन माग गरिएको संघका अध्यक्ष सन्दिप साहले बताए ।
साहले बुझाएको ज्ञापनपत्रमा नीजी विधाललयहरुको बर्गिकरण कुन विधी, प्रकृया र आधारमा गरिएको हो त्यसको लिखित दस्तावेज समेत उपलब्ध गराउन आग्रह गरेका छन् ।
