वीरगञ्ज, २१ पुष । साप्ताहिक कारोबारको पाँचौं दिन आज (बिहीबार) नेपाली बजारमा पहेँलो धातु (सुन)को मूल्य बढेको छ । बिहीबार सुनको मूल्य तोलामा २०० रुपैयाँले बढेको नेपाल सुनचाँदी व्यवसायी महासंघले जानकारी दिएको छ ।
तोलामा २०० रुपैयाँ बढेपछि बिहीबार छापावाल सुनको मूल्य प्रतितोला १ लाख ३ हजार १०० रुपैयाँ कायम भएको छ । यस्तै, तेजाबी सुनको मूल्य प्रतितोला १ लाख २ हजार ६०० रुपैयाँ कायम भएको छ ।
यसअघि बुधबार पनि सुनको मूल्य तोलामा ३०० रुपैयाँले बढेको थियो । बुधबार छापावाल सुन प्रतितोला १ लाख २ हजार ९०० रुपैयाँ र तेजाबी सुन प्रतितोला १ लाख २ हजार ४०० रुपैयाँमा किनबेच भएको थियो ।
बिहीबार चाँदीको मूल्य भने तोलामा १५ रुपैयाँले घटेर प्रतितोला १ हजार ३८५ रुपैयाँ कायम भएको छ । यसअघि बुधबार पनि चाँदीको मूल्य तोलामा १० रुपैयाँले घटेको थियो । बुधबार चाँदी प्रतितोला १ हजार ४०० रुपैयाँमा किनबेच भएको थियो ।
